| so's profileҳ̸Ҳ̸ҳــخربطـيشنـҳ̸Ҳ̸ҳPhotosBlogLists |  Tools  Help |
August 01 .. O_o ..
شحالكم .. !! احم احم .. عندنا لكم من جديد ..
دوم البدايه صعبه معايه .. هـع .. ماعرف شو اقول اول شي
حد يغششني دخيلكم .. هإ هإ .. >> ضحكه يديده
اليوم ماشي سالفه طويله ولا مغامرات
.... مقاطع .... مقاطع ولا مشاهد ..؟!
اللي تبونه ..
(1) ..الـبعـبعـ ..
هاك اليوم نازله علينا ملائكة الرحمه .. وقلنا بنسير نمشي اليهال .. >> خرط .. اصلا نحن كنا طالعين .. وقلنا بنشلهم ويانا .. المهم خمينا كل اليهال وركبنا السياره .. وكل واحد يالله يالله محصله له مكان ~~~ الوسع في القلوب ~~~ خخخخ المهم .. سوالف وحشره وجيه .. عقب شوي بدا التحدي ولا المنافسه ولا البطيخ المهم اللي هو .. كل واحد يستعرض شو في تيلفونه .. واليهال مب مقصرين .. ظنتي لو تبطلت الدريشه شويه .. جان اللي في الصين سمعوا حشرتنا جو جينج جاجا جاجوجا ..>>> جيه بيقولون يوم بتحرطمون على الحشره .. هــ ــع المهم عقب شوي .. بدت الحرب .. وآآآآ .. عموووه عضووونيي .. ومحد احتشر من العمات غيري .. هع هع >> تباها من الله .. هااااه .. شو هناااك .. منو اللي عض الثاني ..؟ هو هو عضني والله انا ما سويتله شي .. ليييييش تعضها هااااااااه ..؟ انااا ما عضيتهااا .. هي اللي بدت ورفستنييي .. جب انتو الاثنين .. والله بردكم البيت تسمعون .. ولا ايي اصفعكم .. بتتضاربون مره ثانيه ..؟ .. هاه .. شووو ما سمعت .. لا .. لا ..
عقب دقيقتين .. آآآآآآآآآآآآآآآآآآآآآآ
وااااااااااااااااء
اهئ اهئ اهئ اهئ طبعا هم ما يصيحون جيه .. انتو تعرفون عيالنا كيف يصيحون .. المهم وبعديييييييييين وياكم انتو هاااااه ..؟ الحين منو ضرب الثاني ..؟ والله العظيم وقسم بالله اني بيي بصفكم .. اسكتو مابغي اسمع حس واحد منكم .. اففف
انته انته اللي يالس وياهم .. يااااوييييلك ان سويت شي ولا تضاربت وياهم .. تسمع ؟ والله انا ماسويت شي .. هم يتضاربون .. انا يالس بعيد زين زين .. شاطر .. وانتو اصبرو عليه .. والله بتتضفعون اليوم ..
طبعا هالحوار يصير .. واللي يستعرضون الاغاني وكل اللي في التيلفون شغالين .. ماعليهم من حد .. بالعدد .. خمس تيلفونات اللي كانت تشتغل في السياره
و آآآآآآآآآآآآآ .. لا حوووول .. اخبركم .. مايفيد شي وياكم انتو .. اصبرو عليه .. طبعا كنا موقفين عند مكدونالدز عسب ناخذلنا عشا .. وانا استغليت الفرصه .. نزلت وبطلت الباب شويه .. عسب محد يعرف اني اصفع اليهال .. هع .. يمكن سبحان الله حد يجوفني ولا شي .. بياخذ فكره مب زينه عني .. صفعتهم .. وصكيت الباب .. ورجعت مكاني .. و عم الهدوء .. ووصلنا البيت .. وتعشينا .. قبل العشا .. بشوي عموه انا احبج ..!! احم .. هاه .. منو ..؟ انا ..؟ هيييه عمووه .. احبج .. اوه .. حتى انا احبج .. يالله سيري تعشي .. شااطره عقب العشاه .. يا ولد اخويه يحبني .. وانا متنحه .. وهو يالس و يبوسني في خدي وانا متشققه عموه انا احبج فديييييتك حتى انا احبك ------------------------------------------ شارك في التمثيل خربطيشن .. العمه .. مريوم .. بنت الأخ .. اللي قبل العشا حميد .. أخو مريوم .. اللي عقب العشا بالاشتراك مع .. عبود .. اللي كان وياهم ملاحظه : .. حميد ما يعرف يتكلم عدل .. بس انا كتبت الكلام اللي كان يقصده .. لاني لو كتبت اللي قاله محد بيفهم ~~ محد تعب من هالسالفه غير بنت اختي .. لانه حلجي عند اذنها .. هع ..~~ ------------------------------------------ (2) .. الـنحـسـ ..
في جو عائلي جميل وهادئ .. يالسين نتعشى .. طبعا اليهال مخلصين قبل .. عسب جيه قلت هادئ .. هع يالسه اكل حليلي .. ماحس إلا بشي ع ـراسي .. بسم الله شو هاه .. احمـ .. كوره .. منو فر الكوره ..؟ انا انا .. >> من فوق .. نزل حميد يشل الكوره .. وسار فوق
اهئ اهئ اهئ اهئ اهئ .. لييييييييييييييييش ...؟
شمعنااااا الكوره يت عراااااسي اناااااااااااا ..
والله كلنا كنااا نتعشى .. بس الكوره يت سننننتر عراسي .. وااااااي ..؟ والله قفطت من الخاطر .. يمكن محد حس فيني .. بس انا حسيت اني جسد بلا روح .. هع ---------------------------------- (3) .. نعتذر عن الخطأ .. اندوج التيلفون .. اخويه يباج .. اوكي .. نعم ..؟ تم القبول في جامعة زايد .. >> ماذكر المسج بالضبط .. بس اخويه كان يقراه طبعا آآآآآآ .. قوووول والله .. والله بس بعده المسج ماخلص .. ليش .. شو بعد ..؟ ملاحظه : الرجاء اهمال الرساله السابقه ونتعذر عن الخطأ .. ؟؟؟؟؟؟؟؟؟؟؟؟؟!!!!!!!!!!!@@".. شو يعني ..؟ مادري .. هاللي مكتوب ..!! يعني قبولني في الجامعه ولا لاء ..!!؟ مادري انتي شو رايج ..؟ مادريييييييييييييييييييي .. افف منهم لازم يحطون هالملاحظه يعني ..؟ مادري والله هاللي مكتوب .. امممم .. اوكي خلاص .. باي اليوم اللي عقبه .. تم الافراج عن اسامي القبول .. ويؤيؤ .. الحمد لله .. اسمي موجود .. ---------------------------------------- (4) .. خربطيشن وفريدو .. خـخـ خ .. خخخخخخخ شو رايج بالدلع هاه ..؟ يناسب شكلج .. هيهيهيهيهي ادري في خاطرج اتصفعيني .. بس شو اسوي .. اسمج جيه .. ماعرفت كيف ادلعج .. هع .......... ملاحظه للي مايعرف فريدوو ......... اسمها .. مثلي فريد .. و بتحصلون سبيسها مرتز ويا الاسبيسات .. هع
انزين .. طبعا انا وياها من جم يوم محتلين سبيس .. مستر اماراتي .. ووايد ماخذين راحتنا .. و نقرقر .. و نتضارب .. و يعني سوالف .. نعرف انه مستر اماراتي وايد طيب .. عسب جيه عادي .. >> إلا عاطنكم ويه بس .. الله يصبره عليكم .. هع انزين .. طبعا سوالف سوالف .. يعني لاحد يتحرانا صدق نتضارب .. بس انسوي اكشنات .. وشاء القدر ان يتم التمثيل في سبيس مستر اماراتي .. >> ياحظه بس .. هع المهم .. السالفه باختصار .. انه مستر اماراتي .. قال لغز .. وفريدو و مهره عطوه الجواب الصح .. و انا تبرعت اوزع الجوايز .. وعطيتهم .. ومهره حليلها ماقالت شي .. إلا فريدو ام لسان .. ما سكتت .. قالت لااااا .. وشو هالهديه الخايسه .. ومابااهااا .. واتخسييين والله ماشلها .. ويعني من هالكلام الجارح .. خخخخخخخخخخخخ لا حليلها ما قالت هالكلام .. بس انا زدت حبتين .. عسب نزيد الاكشن .. هع .. المهم .. انا قلتلها بتاخذين الهديه غصبن عنج .. وانتي تضحكين .. بس هي قالت انها مصريه .. وبتتنقى هديتها عكيفها .. وقالت تبغي بنر .. ومستر اماراتي قالها انه مايعرف يسوي .. ويدينه تعوره .. >> حجه بس ما يبغي يسوي البنر .. هــ أأأ ـــع وهيه قالت اني قلت بسويلها .. >> غصب ولا شوو ..؟؟؟ بس بما اني طيبه فديتني .. قلت خلاص تم وبسويلج اللي تبينه .. وعااااد هالمره صدق غصبن عنج .. بتحطين البنر يعني بتحطيييينه .. نياهاهاع .. جوفي .. تراني كنت مستخدمه هالصوره في البنر الجديم مالي .. وماعرفت شو اسويلج .. وهاللي طلع معايه .. وانشالله تعيبج الالوان .. .. لا تصدقين انه غصبن عنج اتحطينه .. هع .. عاد لا تتحريني بدلعج وبسويلج سالفه وبقول اللي يبغي يجوف البنر يضغط عالصوره الصغيره عسب اتجوفونه بحجمه الطبيعي .. لا لا لا .. ماعندي سوالف الدلع هاي .. >> جنها دفشه ..!!!؟ المهم .. هالبنر ..
http://img154.imageshack.us/img154/4922/9095sa8.gif
والمطعم الهندي بتسيرينه وانتي شاله البنر في يديج وتضحكين .. آآآآهاااااهااااهاااااااع ---------------------------------------- (5) .. السفر .. اهئ اهئ اهئ .. ليش الكل يسااافر ..؟ وااااي ..؟ >> شو هالسؤال الذكي ..؟ طبعا طبعا .. انا برد عليكم .. ادري شي وايد ناس حليلهم متنقعين في هالحر .. حليلهم .. ويبون يغيرون جو .. بس .. الله مب كاتب هالشي
عاد انتو تعرفون .. نحن هالسنه كنا بنسير سويسرا .. بس صارت ضروف وجيه .. وعندنا اعراس وايد .. قالو لو بنسير بنتم شهر .. ونحن ماطعنا .. شو شهر .. شويه .. والله .. قلنا خلاص بنسير لبنان .. وعالظروف اللي صارت اهناك .. طبعا محد يروم يسير .. حليلهم .. الله يساعدهم .. ونحن اللي علينا بنسويه .. وبندعيلهم وبنتبرع لهم .. والباقي على الله .. المهم نرد لسالفتنا .. الحين شو نسوي .. لا سويسرا .. ولا لبنان .. وين انسير .. ياربي شو هالحاله يعني مانسافر هالسنه ..؟ يا جماعه .. محد غرق من الخرط ..؟>>>> لووووووووووووووول .. اصلا ماكنا بنسير مكان .. ولا بنسير .. هع هع لا لا كنا بنسير .. بس مب اللي قلته .. مكان ثاني .. بس ماصار .. والحين بنسير مكان ثاني .. الهند و سيريلانكا .. خخخخخخخخخخخخخ لا لا .. كنا بنسير ماليزيا .. والحين بنسير صلاله .. >> مول ماشي فرق .. انزين .. يالله .. قولو اللي في خاطركم .. حشيش .. بقره ..؟ عنز ..؟ يبل ..؟ اللي تبونه .. امرره مايردكم إلا لسانكم .. خخخخخخخخخخخخخخخ
جب .. محد يعيب .. احمدو ربكم خبرتكم وين بسير .. >> اللي يسمع يقول سايره باريس .. خخخخخخخ
المهم .. جب لا تضحكون .. هع هع ..
اسير وارد بالسلامه انشالله
ادري بتتولهون عليه .. وانا بعد والله .. >> جنها بتفارج سنه ..!!!
July 06 بـ ـ ـاك .. الســــ ــ ــ ـلام عليــ ــ ــ ــكم
شحاااالكم .. يالدباديب .. ؟ عساكم بخيييير ؟
شو يقولون .. رجعينالكوووون بطلّييي .. جدييديييي .. وبنتمنى انكووون اتحبوآآآآ
>>> عــدااال .. خوزو عنهااا
المشكله انه ما يناسب الشكل ..! هع
شو رايكم بالالوان ..؟ وبالنبر العجيب ..؟
كله ولا الاصفر
اذا ما عيبكم اللوك اليديد .. قولو .. عادي .. ما تردكم إلا صبوعكم .. هع
 ولهتو عليه ..؟
اممممم .. ادري تاخرت بس تعرفون الامتحانات الهم وبلاويها
المهم انه نجحنا وخلصنا .. وافتكينا من المدرسه وكل ابوها .. هع
عاد بيينا الهم اللي اكبر عنه ..! الجااامعه .. نياااهاااهااااع ..
الله يعين ويوفق الجميع
انزين .. خلونا من هالسوالف
امممممم .. خلوني افكر في سالفه .. مع انه ماعندي شي اقوله اليوم .. بس قلت انزل بلوق عالسريع .. وعقب يصير خير
مادري .. شو مسوين في الاجازه ..؟؟
انا عن عمري .. اشتغل في البطاله كومبني .. من اصبح لين امسي .. 24 ساعه
هع .. الناس يراكضون حق الدوامات .. واللي يشتغل صيفي .. واللي يدش معهد .. واللي واللي .. وانا للحين ما سرت اصدق شهادتي .. هـــــ ــــــع ..
.............................................++....
ماعندي شي اقوله
تريوني في البلوق الياي
....++.................................................
 April 05 ҳ̸Ҳ̸ҳ new grgr ҳ̸Ҳ̸ҳ.. مرحبااااا .. شحالكم .. شخباركم .. اخييرا نزلت بلوق يديد .. ادري والله العظيم ادري انكم مشتاقيلي ومشتاقين لـ سوالفي .. >>> احلفي انتي بس .. نايااهاااهااا .. والله انا بعد ولهت عليكم .. والله .. >>> مصريه اليوم .. كله تحلف .. هاااع ..
انزيييييييييييين .. اممم .. اول مره ابدا ببلوق وانا ماعرف الموضوع اللي بكتب عنه ..!! سووو .. بخبركم من كل بستان زهره .. اول شي يخطر في بالي بخبركم اياه .. اوكيك ..
اول شي انا بهووووووت مستانسه لاني نجحت في السيبا
اممم .. بخبركم شو استوا البارحه .. كنا سايرين رحلة .. نادي الجزيره تعرفونه ..؟ هل بوظبي يعرفونه .. احينه بيقولون شو مودنكم اهناك ..!! انزين اصبرو انتو .. الله يسلمكم سايرين نحضر ( بطولة أبوظبي الرياضية الأولى لفئة التوحد لدول مجلس التعاون الخليجي ) .. يعني .. اوني عاد طيبه وقلبي حنون .. ومسويه فيها قصه مأساويه ..هيهي .. بس والله كان حلووو .. حليلهم والله الله يشفيهم .. والحمد لله على النعمه اللي نحن فيها .. ( اطري الصحه .. اذا حد استيعابه بطيء ولا شي ) .. هااااع .. المهم .. خلينا من نادي الجزيره .. سرنا وين صوب سينما الماريا .. ( من اسمها مبين .. سينما .. وشي بولينغ وبليارد وهالسوالف .. وشي مكان مال الثلج ومادري شو .. ومكدونالدز
تعبتوا ؟ عادي .. أي دونت كييير .. (شريره ) .. لا والله ادري اني هذربان .. وانتو بعد .. تعرفون هالشي ..!
بخبركم سالفه ثانيه على السريع .. هاك اليوم اخويه ياي من برع .. وخلى باب الصاله مبطل .. وانا كنت مجابله كمبيوتري الحبيب .. واختي مجابله اللابتوب .. كانت جريبه مني .. المهم .. وانا يالسه اقرقر في المسن .. واسمع ما يطربني من الاغاني .. إلا اجوف كائن جدامي .. ماعرفت شسوي .. اصرخ .. اقوم من مكاني .. اخبر اختي .. شسوي .. آآآآآآآآآآ .. يلست اناقز في مكاني لين ما اعق السماعات عن اذني من الزياغ تربطت فيني .. و آآآآآآآآآآآآآآ .. والقطوه حليلها .. تفتر وتناقز ..!! احينه انا ابغي اشرد عنها .. واهي تبغي تشرد ..!!! واختي تضحك .. خلصت هالسالفه .. والقطوه شردت الروف .. ومادريبها وين سارت عقب .. وهاك اليوم فليل .. استوت نفس الحركه .. انا مجابله الكمبيوتر .. واتييني قطوه ثانيه .. وآآآآآآآآآآ .. تلاحقت على عمري هالمره وشردت .. احينه انا مبطله الباب شوييييه .. وازقر اخويه .. واهو لابسني . .طاااااااف .. ولا على باله .. عقب القطوه شردت الروف .. واهوه توه تفيج اييني ويقول شو بلاج ..!! لا والله .. احينه ييت .. سير شي قطوه فوق .. انزين فوق .. برايها .. بتشرد من السطح .. باب السطح مسكر .. يعني بتنزل عقب شوي .. سار اخويه .. وماحصلها ..@@".. ماشي .. عقب سرت ارقد ..!! شو المغزا من هالقصه ..؟ ولا شي ..!! بس مأساتي ويا القطاو .. ( اللي يقول شو بيدخل القطاو بيتكم .. ياخي بيتنا دافئ تملأه المحبه من كل صوب .. الكل يحب ايي بيتنا .. حتى القطاو .. هاهاايز ) ..
.. ماعندي شي اقوله احينه غير .. سنقيووووووووووووووووووووووز ..
هيه .. كنت على وشك أن انهي هذا البلوق التعيس .. بس تذكرت شي .. واااااااء .. شكله هاه اخر بلوق احطه .. لين عقب الامتحانات .. الله يعين ويوفق الجميع ان شالله
ويت ويت .. بخبركم شي بعد .. >>> ما بتخلصين اليوم ولا شو ..؟
مبروووووووووووكييييييييييييشن للعيناويين .. اموااااااااحااااااااااااااااااااااااااااااااااااااااااااااااااااااااااااات ..
March 04 ●ω● شي غيييير●ω● شحالكم ؟
من زمان ما نزلت بلوق .. والكل يقول اني فضيحه .. وما ابقي شي ما اكتبه .. وانتو بعد .. مب مقصرين في الكومنتس
اللي يقول ماشالله عليج ما بقيتي شي ماقلتيه .. واللي يقول اول مره اجوف بلوقات كلها كلام .. واللي واللي .. انزين حليلي .. يعني ما اسولف مثلا ..؟؟؟؟ المهم .. انا براويكم هالبلوق المؤدب .. وان عيبكم هالجانب من شخصيتي .. الجانب الطيب اللي نادر ما يطلع .. خلاص .. بطلعلكم اياه دوم .. وان ماعيبكم .. برد خربطيشن اللي في البلوقات القبليه .. اووووكيك ؟
●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
امممم .. ماعرف شو اسمي هالشي .. بس أظن انه انسب اسم له هو " البطاله ".. هيه .. ماشي شغل
يعني .. كل ماجوف عمري فاضيه .. ابطل الفوتوشوب .. واخبص .. وبراويكم شي من التصاميم اللي
مب حاطتنها في البوم الصور
 هو اكبر عن جيه .. بس مادري ليش صغير .. المهم اني تعبت فيه وايد .. يمكن مب الكل يلاحظ انه متعوب فيه .. بس انا هلكت وانا اسويه .. ولين احينه احس انه فيه شي غلط .. لاني تعبت على اخر الوقت .. وحطيت اي شي واي كلام .. ومع السلامه ..هع
●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
 اممممم .. بعترفلكم في هاه .. انا جفت هالبنيه في تصميم .. وخذتها منه .. وسويت عليها .. وعيبني الكلام .. وحطيته .. يعني هالتصميم .. 90% مصروق .. بس عليه لمستي الذهبيه .. هع
●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
انزين .. وشو بعد .. اوني عاد .. شويه اكتب قرقر .. يعني .. شويعره .. هع
وبسمعكم شي من قصايدي الغاويه .. واتمنى تعيبكم ..وقولو رايكم بكل صراحه وامانه وصدق .. هع
تقول الشاعره خربطيشن .. نادم على الحب .. والله لي يعوضني .. واللي جرا شي .. لازم من زمن يجري ..خخخخخخخ
اخرط عاللي ماتعرفه .. هع
لا لا صدق
 ●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
 ●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
وماخفي كان أعظم .. هااااع .. بخبركم رايي
كله خربطيشن .. التصاميم مش ولا بد .. والترقيييع شي مش طبيعي .. خخخ
●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
 كنت بخلص هالبلوق .. بس توني عرفت شي ..عيد ميلاد حبيبتي شوكولاته يوم اليمعه
اقولها .. كل عام وانتي بخير .. وان شالله تعقلين اكثر هع .. مادريييي .. ماعرف شو اقول .. بس انا وايد وايد مستانسه لاني تعرفت عليج .. اول مره احس انه الاسبيس شي حلوو .. لاني تعرفت عليج منه .. هع
وووو .. مادري .. احسج وايد جريبه منج .. ووو مادريييييي .. ماعرف كيف اقولج .. شكرا لانج ربيعتي .. وبخبرج الباقي عقب .. في المسن .. هاااع
●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●●ω●
 January 31 ...:: كل ماهو جديد ::...    الــســلام عليــكم ورحمـــة الله وبركــــاته
بعد غياب طويل .. نعود إليكم والشوق يملأ قلوبنا
لهذا الاسبيس العزيز والغالي على قلوبنا جميعاً
بسم الله الرحمن الرحيم .. نبدأ بمواضيعنا الجديده .. ونتمنى أن تنال اعجابكم .. وتستحوذ على رضاكم
( لو في شي غلط في السالفه خبروني ..اوكيك )
......:: بنت أدبي ::......
في يوم الأحد الموافق 29 /1 2006
استلمت الهم الشهاده .. والله لا يراويكم ويبعدكم من هالاشكال قولو آمين
توقعت دويحه في الرياضيات .. ويوم المس قالت شي رسوب وايد في الدين .. توقعت اكون من اللي المس تطريهم
مع اني ماحيد اني خبصت وايد في امتحان الدين .. بس مثل ما تعرفون .. ماشي ثقه في النفس .. هع
المهم .. يت المس .. وعطتنا ذيج الشهاده اللي ما تسر .. بس الحمد لله .. ماشي دواويح .. ماشي كيكات
وطلعت التاسعه فديتني ..
هيه .. هيه .. التاسعه .. مب الاولى .. عادي .. خخخخ
صح التاسعه .. ولو اني في صف ربيعتي جان طلعت الخامسه .. بنفس المجموع اللي يايبتنه .. بس الدرجاااات .. احم احم .. في السبعين والثمانين .. يعني .. ولاشي
صدق لعبنا لعب في الفصل الأول .. يعني مول ما كنا ندرس .. يالله .. الله يعين
بنشد حيلنا في هالفصل ان شالله .. خلاااص .. سوف يتحدد مصيرنا في الثلاث أشهر المقبله
الله يوفق الجميييييييع ان شالله
هيه .. نجحت في الامتحان التجريبي مال السيباا .. هااااع 167 هيهي .. الحمد لله على كل حال
تجريبيييي ياعاالم .. تجرييبييي .. يعني ماكنا ندري عنه .. بس إلا جيه .. خبرونا اليوم وامتحنا باجر
اهم شي اني نجحت .. حتى لو يبت 150 .. عادي .. اهم شي انجح
..:: يوم اقولكم ماشي طمووح ::..
 يوم الثلاثاء الموافق 31/1 2006
مااااااااااسرت المدرسه .. هي هي هي .. ها ها ها .. للا لا للا لا
سرت المستشفى .. اوني بسير المستشفى ويوم بخلص بسير المدرسه
وانا كاشخه بثياب المدرسه وشاده حيلي وسايره المستشفى
وجافتني الدكتوره .. وضحكت عليه اون عظم مغلف بيلد .. امحق .. جان انا عظم ويلد
المهم .. خبرت امايه اني مابغي اسير المدرسه خلاص برد البيت .. قالت اوكي .. وخذت اجازه يوم واحد .. هع
وعقب شوي .. اخويه يدق .. وينك .. انتو بعدكم في المستشفى ..هيه .. .. اها .. انا بعد .. صوب عيادة الاسنان
...:: الحبيب شارد من الدوام ::...
آهاا .. اوكي خلاص .. امايه انتي ردي البيت .. ونحن بنرد وياه .. اوكي
عقب شوي .. مادري متى بخلص انا دقيت حق (..) بيي بيردكم البيت .. اخويه الثاني .. جيه ماعنده دوام ..؟
عنده .. توه ظاهر .. اهاااا
...:: الحبيب بعد شارد من الدوام::...
ونحن نترياه .. دقينا حق اختي في الكليه .. اونه جان تبانا نظهرها .. قالت لا لا .. خلاص .. ظهرت من الكليه
......:: بالعربي .. اليوم الكل شارد من دوامه ::.......
يوم جميييييييييل
.. هييييييييييه ..
يعله الاسبيس .. شو استوابه ..!!!! اونهم يبون يعدلونه ..!!!!؟
استوا خايس شويه .. شويه بس .. هع
انزين .. شي عرب كتبولي كومنتس .. وانا ما رديت عليهم .. كله بسبة هالاسبيس .. والله اكتب .. بس ما يستوي
يقول ايرور بيج ..!!!! حتى لو ماشي إيرور .. يعني السموووووووووحه منكم
ومب بس في سبيسي .. في كذا سبيس .. مايطيع اكتب شي ..!!!!!!!؟
انزين .. يعني مافي زعلان .. بس انا مايعرف شو يسوي ..!!!؟
بــلا عنــوان
+-=+-=+-=+-=+-=+-=+-=+-=+-=+-=+-=+-=+-=+-=+
ارسلت لك ابليس يوسوس لك عشان تنساني
رجع وقالي ما يحتاج ناسنك +-=+-=+-=+-=+-=+-=+-=+-=+-=+-=+-=+-=+-=+-=+
مصير اللي مقاطعني
يجي يوم ويوصلني ولو في اخر ايام يجي ويعزي اخواني +-=+-=+-=+-=+-=+-=+-=+-=+-=+-=+-=+-=+-=+-=+
عيوني تحجب الدمعه وعقلي يكتم الهوجاس
وقلبي صابته صدمه من فرقا اعز الناس +-=+-=+-=+-=+-=+-=+-=+-=+-=+-=+-=+-=+-=+-=+ ادري اتفقنا نفترق ادري وصلنا للنهايه صدقني قلبي ينحرق اعذرني اشقيتك معايه +-=+-=+-=+-=+-=+-=+-=+-=+-=+-=+-=+-=+-=+-=+
اخاف قلبك القاسي
يعودني على فرقاك وحبك في الحشى راسي انسى عمري وما انساك +-=+-=+-=+-=+-=+-=+-=+-=+-=+-=+-=+-=+-=+-=+
لاتظن ضيقتي تسمح على كيفك تجرحني
أنا ماحب أبد اجرح ولا حد يجرحني كرهتك روح لاترجع ولا بسمع بعد طاريك معاك الحب ماينفع خساره كل شي فيييييك تعلمت الهوى وياي ورحت لغيري حبيته قوات عين أشوفك جاي تبيني أنسى اللي سويته !!! +-=+-=+-=+-=+-=+-=+-=+-=+-=+-=+-=+-=+-=+-=+
January 20 ...:: مكدونالدز ::...  الـسـلام عـليـكم
شحالكم .. شخباركم ..؟
اوه .. من زمان ما كتبت بلوق يديد
اليوم بخبركم سالفه مادري قصه حدثت قبل جم يوم .. هع
بسم الله .. نبدا
في يوم الثلاثاء الموافق مادري جم كان التاريخ .. قررنا نسير نتعشى في مكدونالدز يعني .. نغير جو .. والكل يعرف اني اموووت على شي اسمه مكدونالدز حتى ربيعاتي يقولن من انجوف مكدونالدز نتذكرج .. هع المهم .. مب هاي السالفه عالساعه مادري جم .. اممم .. ظنتي تسع وشي .. قلنا يالله .. شدّو الرحال صوب مكدونالدز قمنا .. تلبسنا .. ونزلنا انزين يوم نزلنا .. قولو ماشالله قولو .. يالله .. خلاص .. قلتو .. اوكي وقفنا نطالع بعض .. احم .. جم اللي بيسيرون ..!!!!!!!!؟ مادري .. شكلهم وايد ..!! يالله ماعليه البنات في هالاستيشن .. والاولاد في الاستيشن الثاني .. واللي مب محصل مكان .. يسير في الـ بي ام احم احم احم اقولهم صدق شكلنا بنغزو مكدونالدز .. هع سرنا .. يوم وصلنا .. خفنا ما نحصل مكان .. لانه هالمكدونالدز اللي سرناه ..دومه زحمه بسم الحمد لله .. حصلنا مكان اول ما وصلنا .. انا وبنت عم بنات اختي ..!! يمعنا اربع طاولات على بعض .. ويلسنا نحن البنات وحذالنا .. خواتي الكبار .. اظن حطو طاولتين على بعض بس .. لانهم كانو عالكورنر وجدامنا الاولاد .. يعني اربع طاولات غيرهن .. وحذال الاولاد .. مجابل خواتي .. كانوا خواني الكبار ويا ولد عمي .. ومادري جم طاوله عندهم .. هاااع يعني .. بالعربي .. محتلين المكان كله وماشي حرب هاديه الحشره من كل صوب .. اليهال من صوب .. والاولاد من صوب .. ونحن من الصوب الثاني واااااء .. اهئ اهئ .. مامااتييي .. تعالي بخبرج .. شووو انته اييييه .. اخبرك خذت لعبه يديده انزين وبعدين وياكم .. مريوم .. بس خلاص .. قري في مكان واحد .. حمد حبيبي خلاااص ثنوي حبيبتي خلاص خلاص .. اندوج هاللعبه .. عموووري ايلس مكانك يعني .. هاه نموذج بسيييييط من الحرب شكلنا كان ....:: جنغل ::.... عاد انتو لا تقولون والله جان حد سار وطلبلكم كلكم .. ويلستو تتعشون في البيت ولا في أي مكان ثاني بدال هالحرب .. لانه مكدونالدز ماعندهم هوم ديليفري المهم .. نحن سرنا نغير جو .. بس جيه .. هفه .. وعادي لو سرنا كلنا .. وااااااالله المهم .. عقب شوي .. بدا ينترس المكان يعني .. ثنينه هنيه .. ثلاثه اهناك .. يعني .. جمن مفلع وخلاص يلسنا .. وقلنا يالله بنطلب .. اخويه سار يزقر الفلبيني عسب يجوف شو نبا لانه هب واحد وثنينه .. خبرتكم انه نحن 26 ؟؟؟؟؟؟؟؟؟؟؟ خخخخخخخخخخخخخ هيه 26 المهم .. يا الفلبيني حليله ووقف صوب الاولاد .. وهو يبتسم .. اخويه قاله .. أوول اف ذم ( ما بكتب عنقريزي لانه يظهر في الصوب الثاني ) جان يصد الفلبيني صوب اخويه وولد عمي .. ويبتسم .. اخويه يود الفلبيني واشر علينا كلنا وقال .. اوووووووووووول اوف ذم ..!! الفلبيني تنّح .. وبطل عيونه .. وحط ايده عراسه شويه .. وابتسم عقب اظن ابتسم من الزياغ .. هع قال الفلبيني ليديز فيرست .. ويا صوبنا طلبنا .. وخلصنا ويلسنا نتريا ونحن نتريا .. بنت اختي قالت على هاليلسه قاصر علينا شي جان ندق عالطاوله ونغني يا علايه خخخخخخ ويا راسكم .. محد سمعنا جنه ناقصين حشره المهم .. ونحن نتريا .. والناس يدشون .. محد انتبه انه كلنا ويا بعض ويلسنا نتريا .. ونتريا .. ونتريا
ترااللاااااااا .. وصل البيبسي وكل الأعين ترقب الفلبيني وهو يحمل صنيتين فوق بعض مملوأتان بالبيبسي وهو يمشي بخطا ثابته وواثقه .. خايف لا يطيح شي منه .. مب شويه اللي شالنّه .. هع يوم وصل .. بدت الحشره مره ثانيه .. منو يبغي بيبسي .. ومنو يبغي سبرايت .. هاه ..؟ شو ..؟ مادري انا يبت عصير حق اليهال .. هيه .. شو .. ماعندك بيبسي .. اصبر احينه بييبون اوكي اوكي .. خلااااص .. اندوج انتي .. وانتي شو تبين ..!! الخ الخ هاه البيبسي بس ..!!!!!! يابو البطاط والسندويجات .. انا ابغي جكن ماك .. انا قلت ابغي بلين خالي ابغي باربكيو سوس .. عموووه عطيني الكجب .. الخ الخ وعليه .. بسم الله .. الكل ياكل .. بس انا ماكلت .. كنت تعبانه .. وتبرعت بالسندويجه حق اخويه هاهاي عقب .. اخويه قام مادري شو اييب .. واخويه الثاني خذ البطاط .. ويابه عندنا .. وحط هالكرتون مادري شيسمونه اللي يحطون البطاط داخله .. وحط فيه حبتين .. والثالثه في يدين بنت اختي .. اونها هيه اللي كلت البطاط كله .. هع .. يوم يا اخويه يلس يتطالع بنت اختي .. ويطالع ابوها .. وعقب ضحك .. اكيد انها ما كلت البطاط كله .. ياهل وين تروم تاكله ..؟؟؟ خخخخخخخ عقب اختي خبرت اخويه انه البطاط صوبنا .. خربت عليهم .. هع .. وشو بعد .. ونحن خلاص بنظهر .. واحد مسوي فيها مؤدب وعنده ذوق .. اونه يود لنا الباب .. واظن انه ندم وكره اليوم اللي انولد فيه لانه يود الباب .. لاني ظهرت .. وعقبي بنت اختي .. وبنت عمها .. واختي .. وووووووو .. كلنا .. وهو حليله ميود الباب .. اقولهم حليله الفلبيني شكله بيتحلم فينا اليوم .. هع وماشي .. سرنا البيت
..........................
لا لا .. ماخلصت السالفه
في اليوم اللي عقبه .. اختي قالت تبغي اسكريم .. قلنا اوكي .. بنسير .. قلنالها بنسير باسكن .. لانه اقرب .. والوقت متاخر .. كانت الساعه تشير إلى الحاديه عشر وشي .. قالت لا .. نبا مكدونالدز قلنا اوكي خلاص .. يالله بنسير .. بس هالمره بسيارتين بس ستيشن وبي ام سرنا .. واختي قالت تبا هالاسكريم مادري شسمه .. بو ربيه . هع قلنا هيه حتى نحن .. مافينا عالسنداي ولا الثاني .. بعده العشا ما انهضم خخخخ هيه هيه .. سايرين مكدونالدز عسب اسكريم بو ربيه .. بلاكم انتو .. كيفنا ..!!! انا كنت في الاستيشن ويا اخويه .. و خواتي الثلاث .. يعني جم ..؟ هيه صح .. خمس ويوم طلبنا .. اختي قالت تبا ثنينه .. وانا ثنينه جيه يعني .. اونه العشا بعده ما انهضم ونبا ثنينه .. هع المهم . طلبنا عشره ..!!!! يوم سار اخوي قال حق الفلبيني عشره .. الفلبيني شو سوا .. بطل عيونه هييييييييييييييه .. صح .. هو نفسه الفلبيني مال اليوم اللي قبله .. خخخخخخخخخخخخ والفلبيني عرف اخويه .. يعني المفروض ما يستغرب .. بس مادريبه .. المهم قال اخويه ماعندكم هالكرتون اللي تحطون فيه اربعه ويا بعض .. قال لا ماعندنا خلص المهم .. يا اخويه وفي يدينه اسكريم .. والفلبيني وراه وعنده اسكريم نفس الشي .. ووراهم واحد بعد هندي ولا مادري شو .. ونفس الشي .. يوم يا الفلبيني صوب السياره .. بطل عيونه مره ثانيه .. يلس يدور اذا حد يالس ورا .. محد طبعا .. اهو استغرب انه كيف هالاسكريم حقنا نحن الخمسه بس ..! شو مب جايفين خير هاييل ولا شو؟ نحن عقب ما حطينا الاسكريم في يدينا .. استوعبنا انه المفروض نطلب 7 مب 10 .. احم قلنا حق اخويه انت كل اسكريم .. مب بس نحن .. ما نروم .. قال كيفكم اسكريم مب ماكل .. وانتو بتاكلونه كله وهقه .. اختي كلت ثنينه .. واختي الصغيره كلت واحد وقالت ماروم اكل الثاني .. اصلا هيه طلبت واحد ونحن الزطاطوه انا واختي .. كلنا جم ..؟ خخخخخخخخخ انا كلت ثلاثه .. واختي .. اربعه .. هع لا تقولون ليش ما عطينا اللي في السياره الثانيه .. لانهم طلبو من صوب السيايير .. وبيكون شكلنا غبي لو قلنالهم والله نحن حسبنا غلط .. لانه حسبنا اخويه بعد ..!! وهو ما يبا اقول حق اختي الاسكريم بيظهر من اذني من كثر ماكلت .. وانتي بيظهر من اذنج وخشمج وعينج .. خخخخخخخ وووووو .. بس .. توته توته خلص الاسكريم وخلصت السندويجه .. هع
محد غمضني في هالسالفه غير الفلبيني .. خخخخخخخخخخ
January 05 ҳ̸Ҳ̸ҳ..مــشــاكـــل ..ҳ̸Ҳ̸ҳ مرحــبااااااا .. شحالكمـ ؟ ربكم إلا تيكي .. هع
امممم .. اليوم قررت اكتب لكم شي نابع من احاسيسي ومشاعري ووجداني وافكاري وكل شي فيني فديتني .. هع
.. امحق مشاعر واحاسيس ..
يمكن تحسون انه مكرر او انكم قريتوه في مكان .. بس هاه انا اروحي كاتبتنه ..واااالله
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تعرف ان اقرب الناس لك .. ضدك
 ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تسمع حد ينصحك كل يوم .. وينقد عليك كل شي تسويه .. وهو مايسوي شي من اللي يقوله
لا ويحاول يقلدك بعد
 ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم ترابع اشخاص .. وتتوقع انك بتم وياهم لآخر عمرك .. وبالباجر .. يوم تسلم عليهم .. يسألونك عن اسمك
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تذرف دموعك على ناس ما يستاهلون
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم اييك واحد ويتفلسف وعليك ويقول انا وانا وانا .. وهو واصلا ولا شي
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تتريا كلمه من شخص تحبه .. والكلمه اللي تسمعها .. فداعة الله .. مابغيك
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تسير المول .. وتجوف البنات اولاد .. والاولاد بنات
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تعرف انه يوم القيامه قرب .. وانت تستمر في معصيتك
ҳ̸Ҳ̸ҳ..مــشــاكـــل ..ҳ̸Ҳ̸ҳ
انك تيلس تحاسب كل الناس على اغلاطهم .. وتنسى عمرك
ҳ̸Ҳ̸ҳ..مــشــاكـــل ..ҳ̸Ҳ̸ҳ
ويوم تتحاسب على شي .. مايخصك فيه
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم الكل يضحك وياك ويحبك .. بس جدامك
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم الكل يعتبر طيبتك .. غباء
ҳ̸Ҳ̸ҳ..مــشــاكـــل ..ҳ̸Ҳ̸ҳ
يوم تنش الصبح .. وتتوقع انه يكون يوم حلو .. وسبيشل .. بس فليل .. تجوف انه شرات البارحه واللي قبله
واكيد انه شرات باجر .. هع
ҳ̸Ҳ̸ҳ..مــشــاكـــل ..ҳ̸Ҳ̸ҳ الدنــيا
ҳ̸Ҳ̸ҳ..مــشــاكـــل ..ҳ̸Ҳ̸ҳ
كل كائن حي يقول مياااااو .. حتى لو كان جلب يتمصخر .. هع ҳ̸Ҳ̸ҳ..مــشــاكـــل ..ҳ̸Ҳ̸ҳ
انك تيلس تخربط وتخرط على خلق الله وتخليهم يقرون كلام ماله معنى .. وتضيع وقتهم عالفاضي .. هااااااع
ҳ̸Ҳ̸ҳ..مــشــاكـــل ..ҳ̸Ҳ̸ҳ
ҳ̸Ҳ̸ҳ..مــشــاكـــل ..ҳ̸Ҳ̸ҳ
ملاحـظه : اللي عنده اي مشكله .. يكتب حق الدكتوره فوزيه الدريع .. خخخ |
|
|||||
" الحب الاول والاخير " .. تحيدون سالفة 
.. بنطالع وبنرد .. قالت اوكي .. في اللفت .. 
.. إلا واحد منهم يقول .. 
.. بسم الله من شيفته ..!!! المهم انه وصلنا
للي يقرون البلوقات اللي كلها كلام فاضي .. ويستحملون سخافتي .. ويردون عليه .. اموااحاااااااااااااااااااات.. 
.. انزين .. بس برد عليكم ان شالله في الجات وبجوف الكومنتس ..
|
|
